इलामया चलखय् लानाः घाःपाः जुम्ह छम्ह मिसामचा लिसें प्यम्हेसित थप उपचारया निंतिं नेपाली सेनाया हेलिकप्टरपाखें झापा यंकूगु दु।

लिपांगु छुं दिं तक मदिक्क तच्वकं वा वयाः इलामया सन्दकपुर नगरपालिका–४ माबु इलाकाय् चलखय् लानाः घाःपाः जूपिंत स्थानीय स्वास्थ्य चौकीइ प्राथमिक उपचार लिपा हेलिकप्टरपाखें झापाया अस्पताल यंकूगु दु।सैनिक जनसम्पर्क लिसें सुचं निर्देशनालयया कथं, घाःपाः जूपिंखय् छम्ह मिसा मचालिसें स्वम्ह मिसा व छम्ह मिजं दु।

झापा मिलनबस्ती इलाकाय् सेनालिसेंया सुरक्षा फौजया ग्वाहालिइ म्हिगः बहनी मोटर बोटपाखें ४८, नाचापाखें ३१ व न्यासी वनाः १२म्ह यानाः मुक्कं ९१ म्हेसिया उद्धार यानाः सुरक्षित थासय् यंकूगु दु। 

Categorized in राष्ट्रिय