हङ्गेरीया क्राज्नाहोर्काइयात साहित्यपाखे नोबेल सिरपा
लहनान्युज | कौलागा दुतिया ११४५, असोज २३ बिहीवाः
थुगु दँया साहित्यपाखे नोबेल सिरपा हङ्गेरीया च्वमि लास्लो क्राज्नाहोर्काइया बिइगु जुगु दु।७१ दँया च्वमि प्रभावशाली व दूरदर्शी कृतिं प्रलयकारी भयया दथुइ कलाया शक्ति हाकन पुष्टि याइगु नोबेल सिरपा समितिं धाःगु दु।
वयकलं १ करोड १० लाख स्वीडिश क्रोनर नगद सिरपा व पदक दइगु जुगु दु।क्राज्नाहोर्काइया जन्म सन् १९५४ य् दक्षिणपूर्वी हङ्गेरीया छगु चिधःगु शहर ग्युलाय् जूगु खः।
वयकलं यक्को हे कृति हङ्गेरियन भाषां प्रकाशित याये धुकुगु दु। वयकःया कृति अङ्ग्रेजी, फ्रेन्च, जर्मन व स्वीडिश भाषां प्रकाशित जुइ धुकुगु दु।
Categorized in अन्तर्राष्ट्रिय
