प्रधानमन्त्री सुशीला कार्कीलिसे देशया समसामयिक राजनीतिक परिस्थिति, जेनजीया माग संबोधन व लिक्क वयाच्वंगु निर्वाचनलिसें विषय जेनजी पुचःया प्रतिनिधिलिसे थौं राष्ट्रपतिया ज्याकुथिइ सहलह जूगु दु।

राष्ट्रपति रामचन्द्र पौडेलया इनापय् न्ह्यानाच्वंगु सहलहय् प्रधानमन्त्री कार्की मन्त्री व जेनजी पुचःया प्रतिनिधि सुदन गुरुङ, प्रवेश दाहाल, मिराज ढुङ्गानाया जक ब्वति दूगु खः । सहलहय् सुशासन, संविधान संशोधनलिसें विषय जेनजी पुचःया प्रतिनिधितय्सं थःपिनिगु धारणा प्रस्तुत याःगु खः।वइगु निर्वाचनय् केन्द्रित जुयाः विघटित प्रतिनिधिसभाय् प्रतिनिधित्व याःपिं राजनीतिक दलतय् नेता दथुइ शुक्रबाः राष्ट्रपति भवनय् सहलह जूगु खः।

युवातय् आन्दोलनलिपा जेनजी पुचःया प्रतिनिधिलिसे राष्ट्रपति भवनय् न्हापांखुसी सहलह जूगु खः। (रासस)

Categorized in राष्ट्रिय