टीओबीया टिसर्ट फिनाःतम्ह छम्ह मनूखं पेस्तोल ज्वना तःगु भिडिओ सार्वजनिक जुइवं उगु पुतःया छम्ह दुजः प्रहरी कार्यालय थ्यकूगु दु। थःत टीओबीया दुजः खः धका धाःम्ह तेन्जेन दावा प्रहरी कार्यालय वःगु दु।

न्हापा काठमाडौं उपत्यका अपराध अनुसन्धान कार्यालय टेकुइ वःगु खःसा लिपा वयात जिल्ला प्रहरी परिसर भद्रकाली छ्वःगु खः। प्रहरीनाप उम्ह मनूखं पेस्तोल ज्वना तयागु उगु भिडिओ जेनजी आन्दोलन स्वया न्हापागु खः धका धाःगु दु।

सुटिङया इलय् ज्वना तयागु भिडिओलय् खने दुगु उगु पेस्तोल नक्कली खः धका दाबी याःगु धका प्रहरीया स्रोतं धाःगु दु। टीओबी पुचःया उम्ह मनूखं ज्वना तःगु पेस्तोल थुगु सामाजिक सञ्जालय् तसकं भाइरल जूगु खः।

Categorized in अपराध