नेपाल कम्युनिष्ट पार्टी (एमाले) या १० क्वःगु केन्द्रीय कमिटी बैठक बुधबाः च्वनेत्यंगु दु।एमाले प्रचार विभाग प्रमुख राजेन्द्र गौतमया कथं उगु बैठक सुथसिया ११ ताः इलय् यलया जावलाख्यलय् जुइत्यंगु जानकारी बियादिल।

वय्कःया कथं बैठकय् पार्टी नायः केपी शर्मा ओलीया समसामयिक राजनीतिक घटनाक्रम दुथ्याःगु राजनीतिक प्रतिवेदन, राजनीतिक प्रस्ताव व थी थी विषयय् सहलह याइगु ज्याधलः दु।

बैठकय् लिक्क वयाच्वंगु पार्टीया राष्ट्रिय महाधिवेशनया बारे नं सहलह जुइगु प्रमुख गौतमं कनादिल।एमालेया थ्व हे असोज १२ गते च्वंगु सचिवालय बैठकं केन्द्रीय कमिटी बैठक जुइगु निर्णय याःगु खः।

Categorized in राजनीति