आः देय्या थीथी ब्वय् पश्चिमी वाय् व ‘मोन्था’ चक्रवातया आंशिक प्रभाव लाःगुलिं थीथी थासय् वा वयाच्वंगु जल लिसें मौसम पूर्वानुमान महाशाखां धाःगु दु।नापं देसय् पश्चिमी वायुया सक्रिय प्रभाव दुसा अरब सागरय् ब्वलंगु न्यून चापीय प्रणाली व बङ्गालया खाडीइ बिकसित जुयाच्वंगु चक्रवात ‘मोन्था’या आंशिक प्रभाव लाःगु दु।

महाशाखाया कथं कोशी, मधेश, बागमती, गण्डकी व लुम्बिनी प्रदेशलिसेंया पहाडी ब्वय् थौं न्हिनय् अप्वः ईतक धयाथें  सुपाँय्नं गयाच्वनीगु अवस्था दुसा तराईया ब्वय् छुं कथंया ह्यूपाः जुइफु। कोशी, मधेश व बागमती प्रदेशया अप्वः धयाथें थासय् वा वयेफु। गण्डकी व लुम्बिनी प्रदेशया पहाडी व हिमाली लागाया छुं छुं थासय् वा वइगु नापनापं च्वापु गायेपूmगु खनेदु।

कर्णाली व सुदूरपश्चिम प्रदेशया छुं थासय् फुतिफुति वा वइगु विभागया पूर्वानुमान दु। महाशाखां देय्या उच्च पहाडी व हिमाली ब्वःया छुं छुं थासय् माध्यम कथं च्वापु गाइगु धयातःगु दु। वा वइगु व च्वापु गायेफूगु थासय् यात्रा याइपिं व उगु ब्वःया किसानयात महाशाखां सतर्क जुयाः च्वनेत नापं इनाप याःगु दु।

Categorized in राष्ट्रिय