चीनं सन् २०३० तक थःपिनिगु अन्तरिक्ष यात्रीतय्त चन्द्रमा सतहय् अवतरण यायेगु योजना स्पष्ट दु धका धाःगु दु।

चाइना म्यान्ड स्पेस प्रोग्रामया प्रवक्ता झाङ जिङबो न आःयागु सफलता कथं सन् २०३० य् दुने चन्द्रमाया सतहय् मनूूतय्त यकेगु आज्जु दु धका समाचार संस्था एपीं धाःगु दु।प्रवक्ता झाङं लङ मार्च–१० रकेट, चन्द्र अवतरण पोसाक व अन्वेषण सवारी निर्माणयात फलदायी उपलब्धि माने याःगु दु।

विश्लेषक तयेगु कथं चीनं सन् २०३० लक्ष्य हलिमय अन्तरिक्ष शक्ति अमेरिका व रूसनाप प्रतिस्पर्धाय् निर्णायक पला जुइ कथं काःगु दु। दक्को योजना ताःलात धाःसा चीन चन्द्रमाय् मानव अवतरण याइगु निगु देय् कथं स्थापित जुइ।

Categorized in अन्तर्राष्ट्रिय