मण्डला थिएटरय् छधाः प्याखं ‘मिलारेपा’ वंगु मङ्गलबाःनिसें मञ्चन जुयाच्वंगु दु। चाङ ङ्योन हेरुकपाखें च्वयातःगु उगु छधाः प्याखंयात नेपालीइ भाय् हिलेगु ज्या रविन तामाङं यानादीगु खःसा परिकल्पना लिसें निर्देशन प्याखंम्वः बुद्धि तामाङ व उमेश तामाङं यानादीगु दु।

प्याखंया बाखं बौद्ध धर्मया लोकंह्वाःम्ह गुरु महान् योगी लिसें कवि, जेत्सुन मिलारेपाया जीवनीबारे दु। तिब्बतया सिमानय् च्वंगु किरोङ लागाया क्याङ्त्साय् सन् १०५२ लय् जन्मे जुयादीम्ह गुरुया मचाबलेया न्ह्यैपुसे च्वंगु घटना, जीवन सङ्घर्ष व धर्म गुरु जुइगु झ्वलय् फयेमाःगु थतक्वत प्याखंपाखें क्यनेत स्वःगु दु।

प्याखं सोमबाः बाहेकं मङ्सिर १९ गतेतक क्यनीगु जूगु दु।

Categorized in मनोरन्जन