नेपाली चलचित्र पत्रकारिताया इतिहासनिसें वर्तमानतकया चित्रण व विश्लेषण यानातःगु ‘चलचित्र पत्रकार’ सफू थौं लोकार्पित जूगु दु।

चलचित्र पत्रकार सङ्घं पिकाःगु उगु सफूयात चलचित्र विकास बोर्डया नायः दिनेशराज दाहाल (डिसी), चलचित्र कलाकार सङ्घया नायः मोहन निरौला, द्वन्द्व कलाकार सङ्घया नायः नारायण प्रधान, निर्माता सङ्घया नायः नवल खड्का, नेपाल चलचित्र प्राविधिक सङ्घया नायः पुष्कर लामा, नेपाल चलचित्र नृत्य सङ्घया नायः जनक कार्की, चलचित्र सङ्घया नायः नरेन्द्र महर्जन, चलचित्र पत्रकार सङ्घया नायः समीर बलामी, पूर्वनायःत शान्तिप्रिय, कुवेर गिरी, कलाकार केदार घिमिरे, साहित्यकार डा नवराज लम्साल, राससया वरिष्ठ समाचारदाता प्रकाश सिलवालपिन्सं सामूहिक रुपं विमोचन यानादिल।

बोर्डया नायः डिसीं नेपाली चलचित्रया विकासक्रमय् चलचित्र पत्रकारिताया महत्वपूर्ण भूमिका दूगु कनादिसें चलचित्र पत्रकारिताय् खोजी पत्रकारिताया थाय् दयेमाःगुलिइ ब ःबियादिल।पत्रकार सङ्घया नायः बलामीं चलचित्र पत्रकारितायात शुद्धीकरण व व्यावसायिक दयेकाः न्हूगु पुस्तातय्त सक्रिय जुइकेत जुयाच्वना धयादिल।

ज्याझ्वलय् चलचित्र पत्रकारिताया खोजी पत्रकारिताया विषयय् बोर्डया नायः डिसी, कलाकार संघया नायः निरौला, पत्रकारत शान्तिप्रिय, धु्रव लम्साल व मदन रिजाल व रघुनाथ सापकोटा दथुइ विचार मन्थन जूगु खः।

सहलहय् चलचित्र पत्रकारतय्सं छुं नं निश्चित चलचित्रया प्रचारक मजूसे पत्रकारिताया सिद्धान्त कथं स्वतन्त्र रिपोर्टिङ यायेमाःगुलिइ बः बिउगु खः।

Categorized in मनोरन्जन