भारतीय प्रधानमन्त्रीं दिल्ली विस्फोटयात ‘षडयन्त्र’ धाःगु दु । भारतीय प्रधानमन्त्री नरेन्द्र मोदीं मंगलवाः राजधानीया केन्द्रविन्दुइ जूगु घातक कार विस्फोटय् कम्ती नं ८ म्ह मनूत सीगु घटनायात ‘षडयन्त्र’ धासें जिम्मेवारतय्त न्यायया सामना यायेगु प्रतिबद्धता प्वंकूगु दु।

भारतया दकलय् नांजाःगु थाय् व दँय् दसं प्रधानमन्त्रीं स्वतन्त्रता दिवसय् भाषण बीगु थाय् लिक्क सोमवाः जूगु विस्फोटया कारण छु खः धइगु बारे प्रहरीं आःतक नं यथार्थ विवरण बी मफुनि।भारत प्रशासित काश्मिरया पर्यटकीय स्थल पहलगामय् मुख्य रुपं २६ म्ह हिन्दू सर्वसाधारण सीगु व पाकिस्तानलिसे ल्वापु जूगु अप्रिल २२ लिपा थ्व न्हापांगु महत्वपूर्ण सुरक्षा घटना खः। जःला खःला भुटानया राजकीय भ्रमणया झ्वलय् बियादीगु न्वचुइ मोदीं थप विवरण मब्यूसे धयादी, “जिं सकसितं आश्वासन बिया कि एजेन्सीत मुक्कं षडयन्त्रया तलय् थ्यन ।”

“थुकी संलग्न फुक्कसित न्यायया दायराय् हयेगु जुइ ।”मिं च्यानाः आपालं सवारी साधन च्यानाः १९ म्ह घाःपाः जूगु दु । अपराध जूगु थाय् अनुसन्धानकर्तातय्सं मंगलवाः सुथय् भग्नावशेषया दथुइ लुइकूगु खः।भारतीय प्रहरीं छगू गिरोहयात ज्वनाः विस्फोटक पदार्थ व असल्ट राइफल ज्वनागु धाःगु छुं घौ लिपा सोमवाः विस्फोट जूगु खः।

प्रहरीं उपिं मनूत पाकिस्तानय् च्वंगु इस्लामवादी पुचः जैश ए मोहम्मद व जिहादी पुचः अल कायदाया काश्मिरया शाखा अन्सार गजवत उल हिन्दलिसे स्वापू दुगु धाःगु दु।निगुलिं पुचः भारतय् आतंकवादी संगठनया धलखय् लाःगु दु।

Categorized in अन्तर्राष्ट्रिय