जेनजी आन्दोलनया झ्वलय् हेटौँडाय् तोडफोड व मि तयेगु घटनाय् स्वाःगु द्वपनय् प्रहरीं न्याम्हेसित ज्वंगु दु।

बागमती प्रदेशसभा सचिवालय भवन नापं जिल्ला ट्राफिक प्रहरी ज्याकुथिइ तोडफोड व मि तःगु घटनाय् स्वाःगु द्वपनय् सर्लाहीया बरथवा नगरपालिका–१ या २७ दँ दुम्ह पुनम ठाकुर, २७ दँ दुम्ह प्रमोद महतो व हेटौँडा उपमहानगरपालिका–८ या ४३ दँ दुम्ह सागर घताने धाइम्ह रोमबहादुर घतानेयात ज्वनागु धकाः मकवानपुर जिल्ला प्रहरी ज्याकुथिया प्रवक्ता प्रहरी नायब उपरीक्षक पुष्कर बोगटीं धयादिल।

अथे हे, हेटौँडा उपमहानगरपालिका–११ नवलपुरया ४५ दँ दुम्ह सुशील पौडेलया छेँय् मि तःगु द्वपनय् वहे थासय् च्वंम्ह ३६ दँ दुम्ह सुजन अधिकारी व ३५ दँ दुम्ह सुरेन्द्र मगरयात ज्वंगु दु। उमित मकवानपुर जिल्ला अदालतपाखें थुनाय् तयेगु अनुमति कयाः थप अनुसन्धान जुयाच्वंगु दु।

Categorized in अपराध