गृहमन्त्री ओमप्रकाश अर्याललिसे नेपाःया निंतिं बेलायती राजदूत रोब फेनं नापलानादीगु दु। गृह मन्त्रालय थौं नाप लायेगु झ्वलय् वय्कःपिं दथुइ लिपांगु हिलावना च्वंगु राजनीतिक परिस्थितिबारे विमर्श जूगु गृहमन्त्रीया सचिवालयं धाःगु खः।

उगु झ्वलय् मन्त्री अर्यालं जेनजी विद्रोहलिपा सङ्क्रमणकालीन अवस्थायात सामान्यीकरण यायेत सरकारं कुतः याना च्वंगु धयादिल।

राजदूत फेनं नेपालय् न्ह्यःने वयाच्वंगु फागुन २१ य् जुइगु प्रतिनिधिसभा दुजःया निर्वाचनय् बेलायतया आवश्यक ग्वाहालि दइगु भलसा बियादिल। वय्कलं निगू देय् दथुइ मैत्रीपूर्ण सम्बन्ध वइगु इलय् अझ क्वातुइगु धयादिल।

Categorized in राष्ट्रिय