दक्षिण भारतीय निर्देशक एसएस राजामौलीं थःगु वयेत्यःगु संकिपाया पोस्टर रिलिज याःगु दु। पोस्टरय् प्रियंका चोपडा जोनसया न्हापागु किपा क्यःगु दु। संकिपाया शीर्षक ‘ग्लोब ट्रोटर’ तःगु दु। थुगु संकिपाय् साउथ स्टार महेश बाबु व प्रियंका खनेदइ।

निर्देशक व कलाकारं फिल्मया पोस्टर सामाजिक सञ्जालय् सेयर याःगु दु।फिल्मय् प्रियंकां ‘मन्दाकिनी’ या भूमिकाय् अभिनय याःगु खः। पोस्टर सेयर यासे निर्देशक राजामौलीं च्वंगु दु, ‘भारतीय सिनेमायात हलिमय न्हुगु म्हसिका बिउम्ह मिसा खः। हाकन लसकुस दु, देसी गर्ल प्रियंका चोपडा। संसार छिउगु ’मन्दाकिनी’ या यक्को रंग स्वयेत पियाच्वंगु दु।’

अथेहे प्रियंका न पोस्टर सेयर यासे च्वंगु दु, ‘वयकः खनेदुगु स्वया अप्पो जु। मन्दाकिनीयात नापलाना दिँस।’ थुकिइ महेश बाबु, प्रियंका चोपडा व पृथ्वीराज सुकुमारनपिन्स मू मुख्य भूमिका निर्वाह याःगु दु। नोभेम्बर १५ य् हैदराबादया रामोजी फिल्म सिटीइ छगु ज्याझवः याइगु जुगु दु।

उगु ज्याझ्वःपाखे फिल्मया शीर्षक न घोषणा याइगु जुगु दु।प्रियंकाया लिपागु बलिउड फिल्म ‘द स्काई इज पिंक’ खः, सन् २०१९ य् रिलिज जूगु खः। वया लिपा हलिउडया फिल्मय् ब्यस्त जूगु खः।

Categorized in मनोरन्जन