येँ महानगरपालिका वडा २३ या ग्वसालय् लैनचौर फुटसल मैदानय् जुगु स्वक्वःगु प्रयागराज सिंह सुवाल स्मृति कासाया उपाधि येँ महानगर वडा नं १३ न त्याकूगु दु।

वडा १३ न्हापागु संस्करण उपविजेता न खः। शनिवाः जुगु फाइनल कासाय् वडा १३ नं वडा नं ४ यात पेनाल्टि सुटआउटय् २–० गोलं पराजित याःगु खः । निर्धारित इलय् छगु हे गोल मजुसे बराबरी जुगु खः। पेनाल्टि सुटआउटय् अभय राना व आसिस कपालीं गोल याना उपाधी त्याकेत ताः लागु खःसा वडा नं ४ पाखे छगु हे गोल याये मफुगु खः। अभय फाइनलय् म्यान अफ दि म्याच जुगु खःसा वडा १३ या विकेश शाही दकलय् अप्पो ७ गोल याःगु खः।

अथेहे वडा ४ या विक्रान्त नरसिंह राना दकलय् बालाम्ह कासामि जुगु दु सा वडा १३ या विशाल शाही दकलय् बालाम्ह गोलकिपर जूगु खः। वडा १३ न ट्रफीनाप निगु लाख तका त्याकूगु दु सा उपविजेता वडा ४ टिमं छगू लाख त्याकूगु दु।

समापन ज्याझ्वलय् ग्वसाः खलः वडा न २३ या अध्यक्ष मचाराजा महर्जनं थज्यागु कासा न्हापा केन्दीय स्तरपाखे जक जुयाच्वंगु इलय् थःम्हेसिया यक्को मिहिनेत याना बजेट निकासा याना थथे तधःगु कासा यायेफुगु खः धका धयादीगु खः।

Categorized in कासा