त्रिभुवन विश्वविद्यालय क्रिकेट मैदानय् निर्माण याःगु प्यारापिट व ‘फ्लड लाइट’ नेपाल क्रिकेट सङ्घ (क्यान) यात लःल्हागु दु।

शहरी विकास मन्त्रालय अन्तर्गत सङ्घीय सचिवालय निर्माण नाप व्यवस्थापन कार्यालयं राष्ट्रिय खेलकुद परिषद् (राखेप) पाखे उगु संरचना क्यानयात लःल्हागु खः। शहरी विकास नाप ऊर्जामन्त्री कुलमान घिसिङं म्हिगः ‘फ्लड लाइट’ या ‘स्विच’ तिया क्यानयात लःल्हागु खः।नेपाल क्रिकेट सङ्घ (क्यान) या अध्यक्ष चतुरबहादुर चन्दं त्रिवि रङ्गशालाय् नेपाःया क्रिकेटप्रेमी तय्त नेपालय् हे अन्तर्राष्ट्रिय क्रिकेट स्वयेगु म्हगः पू वनेगु ज्याया शुरूआत जूगु दु धका धयादीगु खः।

उगु ज्याझ्वलय् राष्ट्रिय खेलकुद परिषद् (राखेप) या सदस्यसचिव टङ्कलाल घिसिङ, किपू नगरपालिकाया प्रमुख कृष्णमान डङ्गोलपिनिगु न ब्बति दुगु खः।उगु मैदानय् न्हापागु चरणय् १० हजार दर्शक न्ह्यंगु प्यारापिट निर्माण व बहनि न म्हित्ये जुइगु कथं खुगु फ्लड लाइट जडान याःगु खः।

सरकारं दयकूगु गुरुयोजना कथं निगु चरणय् मूक्कं २५ हजार दर्शक न्ह्यनिइगु व अन्तर्राष्ट्रियस्तरया दक्को आधुनिक क्रिकेट सुविधाया रङ्गशाला दयकेत्यःगु खः। 

Categorized in कासा