पशुपतिनाथया मणि मुकुट, कवज, एकमुखे रुद्राक्षलिसेंया प्राचीन सामाग्रीया ब्वज्या यायेगु दु।

पशुपति क्षेत्र विकास कोषं दँय्दसं मार्गशीर्ष कृष्ण त्रयोदशी व मार्गशीर्ष कृष्ण आमावास्याया दिं नागमणि, मुकुट, कवज, एकमुखे रुद्राक्षलिसें प्राचीन महत्वया तिसालिसेंया सामाग्रीत सर्वसाधारणयात क्यनीगु परम्परा दु। वहे परम्परा कथं सुथसिया १०ः०० ताः ई निसें ११ः३० ताः ई तक सुरक्षा निकायया ग्वाहालिइ नागमणि, मुकुट, कवज, एकमुखे रुद्राक्षलिसेंया प्राचीन महत्वया तिसात ब्वज्या यायेगु खः।

अथे हे, मार्गशीर्ष कृष्ण आमावास्याया दिन मङ्सिर ४ गते बिहिबाः सुथसिया ९ः०० ताः ई निसें ११ः४५ ताःई तक नं सुरक्षा निकायया ग्वाहालिइ नागमणि, मुकुट, कवज, एकमुखे रुद्राक्षलिसेंया प्राचीन महत्वया तिसाया ब्वज्या याइगु जुगु दु।

मार्गशीर्ष कृष्ण त्रयोदशीया दिं वंगु दच्छि न्ह्यःनिसें उगु सामाग्रीत सुरक्षित कथं तयातःगु व मार्गशीर्ष कृष्ण आमावास्याया दिं आः दच्छि तक थुगु सामाग्रीत सुरक्षित कथं तयातयेगु खःसा थुगु क्यनेगु परम्परा दयावया च्वंगु कोषं धाःगु दु।

Categorized in राष्ट्रिय