सतकय् हे ट्रक फातापूबलय् हेटौँडा–येँ स्वाइगु कान्तिलोकपथ सतक थौं सुथंनिसें पूवंक हे अवरुद्ध जूगु दु।

वीरगञ्जं येँपाखे वासः लोड यानाः वनाच्वंगु ना३ख ३१९२ नम्बरया ट्रक मकवानपुरया भीमफेदी गाउँपालिका–८ बगुवाया सतकय् ब्रेकफेल जुयाः अनियन्त्रित जुयाः फातापूबलय् उगु सतक पूवंक अवरुद्ध जूगु जिल्ला प्रहरी ज्याकुथि मकवानपुरया प्रवक्ता प्रहरी नायब उपरीक्षक पुष्कर बोगटीं जानकारी बियादिल।

सतक अवरुद्ध जूगुलिं हेटौँडां येँय् वया च्वंगु व येँपाखें हेटौँडा वनाच्वंगु सवारी साधन लँय् हे दिनाच्वंगु खः। दुर्घटनास्थलपाखें ट्रक चीकाः लँ चायेकेगु कुतः जुयाच्वंगु वय्कलं धयादिल।

Categorized in राष्ट्रिय