प्रधानमन्त्री सुशीला कार्कीया प्रमुख स्वकीय सचिव आदर्शकुमार श्रेष्ठं थः परिवार व नातेदार तयेत सचिवालय नियुक्ति यायेगु ज्या न्ह्याकूगु दु।

प्रधानमन्त्री ना मन्त्रिपरिषद् कार्यालयसम्बद्ध स्रोतया कथं, नेपाल सरकारया सचिव सरहया सुविधा कयातम्ह आदर्शं थः जहान संगीता श्रेष्ठयात सहसचिव सरहया स्वकीय सहसचिव दयकूगु दु।

स्रोतं बिउगु जानकारी कथं, नातेदार कमला श्रेष्ठ न स्वकीय सहसचिवय् नियुक्त याःगु दु। संगीता व कमला निम्हेसितं असोज २ गते नियुक्त याःगु खः।अथेहे नासु सरहया प्रशासन सहायकय् पुनम श्रेष्ठ व रविना श्रेष्ठ न व हे दिं नियुक्त याःगु खः।

Categorized in राष्ट्रिय