जेनजी फ्रन्टया संयोजक रक्षा बमं प्रधानमन्त्री सुशीला कार्कीया सचिवालयं नैतिक भ्रष्टाचार याःगु धासे प्रमुख स्वकिय सचिव आदर्श कुमार श्रेष्ठयात तत्काल पदमुक्त यायेत माग याःगु दु।

बमया कथं प्रमुख स्वकिय सचिवं नातावाद व कृपावादयात थाय् बिउसे थः जहान नाप नातेदार तय्त सचिवालय नियुक्त याउगुलि सचिवालयया नैतिक भलसा गुकथं यायेगु धासे न्ह्यसः तःगु दु। बमं थुकियात “नैतिक भ्रष्टाचारया स्पष्ट उदाहरण” धासे प्रधानमन्त्रीया ध्यानाकर्षण याःगु दु।

बमं जेनजी आन्दोलन केवल आर्थिक भ्रष्टाचारविरुद्ध जक मखु नातावाद, कृपावाद व नैतिक अपवित्रता विरुद्ध जुगु धासे, संवेदनशील परिस्थितिइ गठन जुगु नागरिक सरकार हे नामय् स्वार्थपूर्ति यायेत स्वंगू द्धपः बिउगु खः। थज्यागु व्यवहारं “ह्यूपाःया निति बाहा वःगु हिंया अपमान” धका धाःगु दु।

Categorized in राष्ट्रिय