सडक डिभिजन हेटौंडाया मू बजार याःगु सतक विस्तार ज्या तत्कालया निति स्थगित जूगु दु। हेटौंडा उपमहानगर  दुने याःगु राष्ट्रिय लोकमार्ग सतक सीमा संरक्षण ज्याझ्वः, २०८२ यात सर्वाेच्च अदालतं उत्प्रेषण आदेशया कारण स्थगित जूगु दु धका सडक डिभिजन प्रमुख गुरुप्रसाद अधिकारीं जानकारी ब्यूगु दु। सडक डिभिजनं शनिवाः छन्हु हे ५०० छेँखा थुना बिउगु दु।

थुनेगु निति छेँ सामान लिकात निन्हु ई बिउगु खः ।सर्वोच्च अदालतं हेटौंडाया सतक विस्तार सम्बन्धी सूचना कार्यान्वयन मयायेत मंसिर १९ गते उत्प्रेषण आदेश बिउगु खः।

सतक डिभिजनं वंगु मंसिर ५ गते महेन्द्र राजमार्गया रातोमाटेनिसे बुद्धचोक जुया राप्तीया ताँ तक व त्रिभुवन राजपथया बुद्धचोकनिसे सामरी ताँ तक सतक सीमा २५/२५ गज (७५/७५ फिट) विस्तार यायेगु धासे सतक दुने छेँ टहरा, संरचना चिइकेगु निति १५ दिं दुने सूचं पिकागु खः।

Categorized in राष्ट्रिय