वंगु भदौ २३ व २४ गतेया जेनजी प्रदर्शनया झ्वलय् केन्द्रीय कारागार ज्याकुथि जगन्नाथ देवलपाखें बिस्युं वंम्ह छम्ह कैदीबन्दीयात प्रहरीं ज्वंगु दु।

वन्यजन्तुया आखेटोपहार ओसारपसार मुद्दाय् फरार जुया च्वंम्ह गोरखा सिरानचोक गाउँपालिका–८ छेँ जुयाः आः येँया तारकेश्वर मनमैजु च्वनीम्ह २२ दँ दुम्ह सुविन गुरुङया प्रहरीं ज्वंगु खः।

प्रदर्शनया झ्वलय् बिस्युं वनाः सुलासुला च्वनेगु यानाच्वंम्ह गुरुङयात सोमबाः तारकेश्वरया मनमैजुं ज्वनाः केन्द्रीय कारागारय् पेस यानागु धकाः वरिष्ठ प्रहरी उपरीक्षक शिवकुमार श्रेष्ठं धयादिल।

Categorized in अपराध