अवतार ३ प्रिमियर
लहनान्युज | थिंलागा पंचमी ११४६, मंसीर २३ मंगलवाः
ताः इलंनिसें पियाच्वंगु हलिउड फिल्म ‘अवतार ३’ विश्व प्रिमियर जूगु दु । सन् २००९ य् थुगु फिल्मया शीर्षक खः, अवतार : फायर एन्ड एस! जेम्स क्यामरुनं निर्देशन याःगु थुगु संकिपा ४ पुस (१९ डिसेम्बर, २०२६) य् हलियकं प्रदर्शन यायेगु तयारीइ दु। ‘अवतार’ या न्हापागु निगुगू श्रृंखला विश्व बक्स अफिसय् सर्वकालीन यक्को ध्यवा कमेयाःगु न्यागु उत्कृष्ट धलखय् लागु खः।
सन् २००९ या ‘अवतार’ न २.९२ बिलियन डलर कमे याःगु खः। निगुगु श्रृंखला ‘अवतार ः द वे अफ वाटर’ २.३४ बिलियन डलर कमे याना दकलय् अप्वः कमे यायेगुलि स्वंगूगु थासय् दु । ‘अवतार’ नं विश्व फिल्ममा डिजिटल क्रान्ति हःगु खः । ‘अवतार’ नेपालय् प्रदर्शन जूगु दकलय् न्हापागु थ्रीडी फिल्म खः । क्यामरुन नाप फिल्मया कलाकारय् साम वर्थिंगटन, जो साल्दाना व सिगोर्नी वीभर नाप मेमेपि कलाकारं हलिउडया डल्बी थिएटरय् जूगु ज्याझ्वलय् रेड कार्पेटय् न्यासि वःगु खः।
‘अवतार : फायर एण्ड एस’ न ज्वालामुखीइ च्वनिइपि नावी जनजाति एश पिपल वा माङ्कवान नं धायेगु याइ, वयागु म्हसिका बिइत पाण्डोराया थाकूगु वातावरणय् यंकी । थुगु फिल्मं फ्रान्चाइजीया स्पष्ट नैतिक रेखायात चुनौती बिइगु तयारी दु।
प्रिमियर समारोहय् मेमेपि ब्बतिकाइपि स्टीफन लाङ, उना च्याप्लिन, क्लिफ कर्टिस, जोएल डेभिड मूर, ब्रिटेन डाल्टन, ट्रिनिटी जो–ली ब्लिस, ज्याक च्याम्पियन, बेली बास, एडी फाल्को, माइली साइरसपिन्स ब्बति काइ।
Categorized in मनोरन्जन
