दक्षिण भारतीय अभिनेत्री सामन्था रुथ प्रभु व निर्देशक राज निदिमोरुं इहिपा याःगु दु। इहिपाया जानकारी निम्हेस्यां स्टाग्रामपाखे जानकारी ब्यूगु खः।

इहिपा ज्याझ्वः ईशा योग केन्द्र दुने लिंग भैरवी द्यः थाय् जूगु खः। इहिपा ज्याझ्वलय् ३० म्हेसिया जक ब्बति दुगु खः। आइतवाः चान्ह्यः तक इहिपाया छु नं तयारी मदुगु खः। राजया न्हापाम्ह जहान श्यामली डे नं थःगु इन्स्टाग्राम स्टोरीइ ‘हथाय् चाइगु इलय् मनूखं हताश ज्या याइ’ धकाः अभिव्यक्ति नाप स्टाटस पोस्ट याःगुलि अप्वसिया अजू चाःगु खः।

सन् २०२४ या सुरुइ राज व सामन्था सतिउगु चर्चा जूगु खः। दच्छि न्ह्यः, सामन्थां सामाजिक सञ्जालय् राजनाप किपाः तःगु खः।सामन्थां न्हापांगु इहिपा अभिनेता नागा चैतन्यनाप याःगु खः। वया प्यदँ लिपा अलग जूगु खःसा नागा चैतन्यं अभिनेत्री शोभिता धुलिपाला नाप इहिपा याःगु खः।

Categorized in मनोरन्जन