नांजाःम्ह मूर्तिकार बालकृष्ण तुलाधर ९१ दँया उमेरय् मन्त। सहिदगेटय् च्वंगु जुजु त्रिभुवनया झ्वाताःलिसें सहिद गङ्गालाल, दशरथचन्द, धर्मभक्त व शुक्रराजया झ्वाताः व अन च्वंगु प्यगू किपाः वय्कःया सिर्जना खः।

अथेहे, तिंख्यःया सैनिक मञ्चय् च्वंगु खुम्ह सिपाही तय्गु झ्वाताः, भ्वँतया प्यकालँय् च्वंगु त्रिभुवनया झ्वाताः, शोभाभगवतीइ च्वंगु गणेशमान सिंहया झ्वाताः लिसें त्रिमूर्ति (लक्ष्मीप्रसाद देवकोटा, लेखनाथ पौडेल व बालकृष्ण सम)या झ्वाताः वय्कःया कलाकारिताया नमूना खः।

विसं १९९२ य् येँया यट्खा त्वालय् बूम्ह तुलाधरया प्यम्ह काय् व स्वम्ह म्ह्याय् दी।

Categorized in राष्ट्रिय