विघटित प्रतिनिधिसभा सदस्य सन्तोष चालिसेविरुद्ध गैरकानुनी कथं सम्पत्ति आर्जन याःगु द्वपनय् भ्रष्टाचार मुद्दा दायर याःगु दु।

अख्तियार दुरुपयोग अनुसन्धान आयोगं म्हिगः प्रतिनिधिसभा अन्तर्गतया अर्थ समितिया निवर्तमान सभापति चालिसेया विरुद्धय् गैरकानुनी सम्पत्ति आर्जन याःगु द्वपनय् भ्रष्टाचार मुद्दा दायर याःगु खः।

गोकर्णेश्वर नगरपालिकाया तत्कालीन नगरप्रमुख चालिसें सार्वजनिक पदय् च्वंगु इलय् पदीय मर्यादा अःखः ज्या यानाः अस्वाभाविक कथं सम्पत्ति मुंकूगु धासें ३ करौड ६८ लाख ४७ हजार सय ७६१ तका बिगो दाबीलिसें विशेष अदालतय् द्वपंपौ दायर जूगु खः।

येँ क्षेत्र नं ३ पाखें त्यानाः सङ्घीय संसदया अर्थ समितिया सभापति नापं जुयादीम्ह चालिसें गाकेर्णेश्वर नगरपालिकाया प्रमुख जुगु इलय् (२०७४ जेठ ८ निसें २०७९ असार ३२ तक) या ईयात लिधंसा कयाः सम्पत्ति छानबिन याःगु अख्तियारं धाःगु दु।

Categorized in अपराध