सरकारं राष्ट्रिय योजना आयोगया न्वकूलय् डा.प्रकाशकुमार श्रेष्ठ व दुजलय् प्राडा. सुनिति श्रेष्ठ हाडायात नियुक्त याःगु दु।

थौं च्वंगु मन्त्रिपरिषलया बैठकं उगु निर्णय याःगु सञ्चार नापं सूचना प्रविधिमन्त्री जगदीश खरेलं जानकारी बियादिल।

बैठकं चलेजूगु कानुनय् व्यवस्था जूगु अवस्थाय् बाहेक सेवा प्रवाहया प्रक्रियाय् कागजातय् आधिकारिकताया निंतिं आय–टिकटया कथं हुलाक टिकट तिकेगु प्रचलन मदयेकेगु निर्णय नं याःगु वय्कलं कनादिल।

Categorized in राष्ट्रिय