मिराज ढुङ्गाना नेतृत्वया जेनजी पुचःया आह्वानय् माइतीघर मण्डलाय् ग्वसाः ग्वःगु विरोध प्रदर्शनय् ब्वति काःपिं च्याम्ह युवातय्त प्रहरीं थौं नियन्त्रणय् काःगु दु।

जिल्ला प्रशासन ज्याकुथिं अनुमति मकाःसे माइतीघर मण्डला लागाय् छुं नं कथंया सभा, विरोध, धर्ना, ¥याली थेंजाःगु ज्याझ्वः याये मदूगु कानुनी व्यवस्था उल्लङ्घन यानाः प्रदर्शनय् ब्वति काःगु द्वपनय् रविकिरण हमाललिसें युवातय्त प्रहरीं नियन्त्रणय् काःगु खः।

जेन्जी पुचलं थंगु माग, मुद्दा संबोधन मजूगु धासें माइतीघर मण्डला लागाय् नाराबाजीलिसें प्रदर्शनय् कुहाँवःपिं च्याम्हेसित नियन्त्रणय् काःगु जिल्ला प्रहरी परिसर येँया प्रवक्ता नापं प्रहरी उपरीक्षक पवनकुमार भट्टराईं जानकारी बियादिल

Categorized in राष्ट्रिय