नेपाल पत्रकार महासंघया संस्थापक अध्यक्ष सत्यनारायण बहादुर श्रेष्ठया ११० क्वःगु बुन्हिया लसताय् थौं यलया मानभवनस्थित आदर्श विद्या मन्दिर स्कूलय् सुथसिया ८ः०० ताः इलय् स्वक्वःगु सत्यनारायण  बहादुर श्रेष्ठ मिडिया कप फुटसल कासा जुइगु दु।

उगु कासाया निति यल महानगरपालिका  वडा नं. ५ या ग्वहालि जुइत्यःगु खः। उगु कासाया निति येँ महानगरपालिका वडा न. २१ पाखे कासामि तय्त जर्सी ग्वहालि याःगु खः। म्हिगः छगु ज्याझ्वः दथुइ येँ महानगरपालिका वडा २१ या वडाअध्यक्ष उदय चुडामणी बज्राचार्यं कासामि तय्त जर्सी नेवाः पत्रकार राष्ट्रिय दबूया अध्यक्ष नृपेन्द्रलाल श्रेष्ठनाप पदाधिकारीपाखे लःल्हाना कायेगु ज्या जुगु खः।

कासाय् ताःलापिन्त सञ्चार लिसे सुचना प्रविधि मन्त्री जगदीश खरेलं लःल्हाइगु ज्याझ्वः दुगु धका सत्यनारायण  बहादुर श्रेष्ठ मिडिया कप फुटसल कासाया कजि प्रजित शाक्यं लहानन्युजयात जानकारी बियादीगु दु।

Categorized in कासा