सत्यनारायण बहादुर श्रेष्ठ मिडिया कप फुटसल कासा थौ उलेज्या जुइगु
लहनान्युज | पोहेलाथ्व सप्तमी ११४६, पुस १२ सनिवाः
नेपाल पत्रकार महासंघया संस्थापक अध्यक्ष सत्यनारायण बहादुर श्रेष्ठया ११० क्वःगु बुन्हिया लसताय् जुइत्यःगु स्वक्वःगु सत्यनारायण बहनदुर श्रेष्ठ मिडिया कप फुटसल कासाया निति म्हिगः लक्की ड्र जुगु दु।
च्यागु टिमं उगु कासाय् ब्बति काःगु खः। कासाय् ‘ए’ पुचलय् नेवाः पत्रकार राष्ट्रिय दबू, नेपाल आदिवासी जनजाती पत्रकार महासंघ, बोधिचर्या नेपाल, राष्ट्रिय समाचार समिति व ‘बी’ पुचलय् यल महानगर वडा न १६ कलाकार समिति, आर्दश बिद्या मन्दिर तामाङ पत्रकार संघ व राष्ट्रिय फोटो पत्रकार समुह लागु दु।
कासा थौ सुथय् ८ः३० बजे छगु ज्याझ्वः दथुइ यल महानगरपालिका वडा न ५ या वडा अध्यक्ष बिकासमान श्रेष्ठं उलेज्या याइगु ज्याझ्वः दु धका सत्यनारायण बहादुर श्रेष्ठ मिडिया कप फुटसल कासाया कजि प्रजित शाक्यं लहानन्युजयात जानकारी बियादीगु दु।
