नेपाल कम्युनिष्ट पार्टी (एमाले)या निक्वःगु केन्द्रीय कमिटीया बैठक कन्हय् च्वनेत्यंगु दु।

एमाले केन्द्रीय प्रचार लिसें प्रकाशन विभाग प्रमुख मीनबहादुर शाहीया कथं कन्हय् सुथसिया ११ ताः इलय् यलया एकान्तकुनाय् च्वंगु मेजेस्टिक ग्य्रान्ड पार्टी प्यालेसय् बैठक च्वनेत्यंगु खः।वय्कःया कथं बैठकय् आः वइगु प्रतिनिधिसभाया निर्वाचनय् पार्टीया रणनीति, समसायिक राजनीतिक विषय सहलह जुइगु जूगु दु।

वंगु पुस ४ गते जूगु न्हापांगु केन्द्रीय कमिटी बैठकं हे थ्व हे पुस २६ निसें २८ गतेतक निक्वःगु केन्द्रीय कमिटी बैठक आह्वान याःगु खः। एमालेया सचिव डा राजन भट्टराईं थुगुसीया केन्द्रीय कमिटी बैठक प्रतिनिधि सभाया निर्वाचनय् केन्द्रित जुइगुलिं केन्द्रीय सदस्य मनोनयन, पोलिटब्यूरो लिसें स्थायी कमिटी गठन नापंमुक्कं कार्यविभाजन कन्हय्या हे बैठकं मयाइगु धयादिल।

Categorized in राजनीति