नेपाल कम्युनिष्ट पार्टी (एमाले)या बागमती प्रदेश कमिटीं न्ह्यने थ्यंकः वःगु प्रतिनिधिसभा सदस्य निर्वाचनया निंतिं विशेष चुनावी अभियानया तयारी पूवंकू धाःगु दु।

पार्टीया केन्द्रीय ज्याकुथि, च्यासलय् थौं ग्वसाः ग्वःगु पत्रकार सम्मेलनय् उगु जानकारी ब्यूगु खः। थ्वहे माघ ४ गते येँया भृकुटीमण्डपपाखें जनप्रदर्शनलिसें कमलादीया नेपाल प्रज्ञा प्रतिष्ठानय् थ्यंका सभापाखें अभियान न्ह्याकेत्यंगु खः। सभायात एमालेया नायः केपी शर्मा ओलीं सम्बोधन याइगु ज्याझ्वः दु।

एमालेया सचिव लिसें बागमती प्रदेशया इञ्चार्ज महेश बस्नेतं थःगु प्रदेश निर्वाचन केन्द्रित विशेष अभियान तःगतिं न्ह्याकाच्वनागु धयादिसें चुनावया निंतिं सुरक्षित वातारण दयेकेत सरकारलिसे इनाप यानादिल। प्रदेश कमिटीया नायः कैलाश ढुङ्गेलं एमालें निर्वाचनयात लोकतान्त्रिक पद्धतिया पुनःस्थापनाया कथं कयागु धकाः ध्वाथुइकादिल।

Categorized in राजनीति