नेपाल प्रहरीं ३३ किलोग्राम लुँ काण्डय् स्वाम्ह धयातःम्ह सनम शाक्ययात स्याःगु द्वपं तयातःम्ह छम्हेसित ज्वंगु दु।

जिल्ला प्रहरी परिसर येँया पुचलं उगु द्वपनय् मकवानपुरया हेटौँडा उपमहानगरपालिका–१७ या ३३ दँ दुम्ह सुरेन्द्र गौतमयात ज्वनाः म्हिगः सार्वजनिक याःगु खः। मोरङ उर्लाबारीया सनम शाक्ययात विसं २०७४ फागुन १८ गते दाया व करेन्टं ज्वंकाः स्याःगु खः।

लुँ कारोबारय् स्वाम्ह मुख्य अभियुक्त चुरामणि उप्रेती (गोरे)यात प्रहरीं थ्व सिबें न्ह्यः हे ज्वनातःगु खः। जिल्ला प्रहरी परिसर येँया प्रवक्ता, प्रहरी उपरीक्षक पवनकुमार भट्टराईं ज्वनातःम्ह गौतमयात माःगु अनुसन्धानया निंतिं म्हिगः हे जिल्ला प्रहरी ज्याकुथि मोरङ छ्वयागु धयादिल।

Categorized in अपराध