राष्ट्रियसभाया स्वम्ह दुजःपिंसं राजीनामा बियादीगु दु।

नेपाली कम्युनिष्ट पार्टी (नेकपा) या नेतापिं वामदेव गौतम व नारायणकाजी श्रेष्ठ लिसें नेकपा (एमाले)या भगवती न्यौपानें राष्ट्रियसभा अध्यक्ष नारायणप्रसाद दाहालया न्ह्यने राजीनामा पेस यानादीगु संसदया प्रवक्ता एकराम गिरिं धयादिगु दु।

नेकपा नेता गौतम बर्दिया–१, श्रेष्ठ सर्लाही–३ व न्यौपानें तनहुँ–१ पाखें प्रतिनिधिसभा सदस्य निर्वाचनय् उम्मेदवार जुइत पदत्याग यानादीगु खः। वय्कः पिनिगु कार्यकाल आः वइगु फागुन २० गतेतक दूगु खः।

Categorized in राजनीति