प्रतिनिधिसभा सदस्यय् प्रत्यक्षपाखेंया उम्मेदवारया मनोनयन यायेगु दिं न्ह्यने वःगुलि थौं प्रधानमन्त्री सुशीला कार्की व निर्वाचन आयोगया पदाधिकारीपिं दथुइ सहलह जूगु दु।

प्रधानमन्त्री निवास बालुवाटारय् जूगु सहलहय् अर्थमन्त्री रामेश्वर खनाल, कानुन, न्याय लिसें संसदीय मामिलामन्त्री अनिलकुमार सिन्हा, परराष्ट्रमन्त्री बालानन्द शर्मा, कार्यबाहक प्रमुख निर्वाचन आयुक्त रामप्रसाद भण्डारीलिसे पदाधिकारीतय्गु ब्वति दूगु खः।

आः वइगु फागुन २१ गते जुइगु निर्वाचनया निंतिं थ्व हे माघ ६ गते प्रत्यक्षपाखेंया उम्मेदवारी मनोनयन यायेमाःगु ज्या धलः दु।

Categorized in राष्ट्रिय