पूर्व मन्त्री नाप जसपा नेपालया नेता प्रदीप यादव नेकपा एमाले दुहावःगु दु। थौ चान्ह्यः एमालेय् दुहावःगु दु। एमाले अध्यक्ष केपी शर्मा ओलीं यादवयात खादा न्ययका पार्टीइ लसकुस याःगु खः।

यादवनाप वीरगन्जया मेयर राजेशमान सिंहनाप कार्यकर्ता एमालेय् दुहावःगु खः।यादव, ओली नेतृत्वया सरकारय् खानेपानी मन्त्री जुगु खः। भदौ २३ व २४ या जेनजी युवा आन्दोलनलिपा ओलीनाप सत्याच्युत जुगु खः।

जेनजी आन्दोलनलिपा यादव अशोक राई नेतृत्वय् जसपा त्वःता उपेन्द्र यादव नेतृत्वया जसपा नेपालय् दुहावःगु खः। लिपागु इलय् यादव जसपा नेपालया समन्वय समिति सदस्यय् जुगु खः।प्रतिनिधि सभा निर्वाचनया मनोनयन दर्ता यायेगु न्ह्यः यादव जसपा नेपाल त्वःता एमालेय् दुहावःगु खः।यादव हाकन पर्सा क्षेत्र नम्बर १ पाखे प्रतिनिधि सभा निर्वाचन ल्वायेगु तयारीइ दु।

Categorized in राष्ट्रिय