न्युजिल्यान्डनाप टी–२० शृङ्खलाअन्तर्गत न्हापागु कासाय् भारतं त्याकूगु दु। म्हिगः चान्ह्यः जुगु कासाय् भारतं न्युजिल्यान्डयात ४८ रनं बूकुगु खः।

घरेलु टोलीं ब्यूगु २ सय ३९ रनया लक्ष्य न्युजिल्यान्ड ७ विकेटय् १ सय ९० रनय् अलआउट जुगु खः। न्युजिल्यान्डया ग्लेन फिलिप्सं दकलय् अप्पो ७८ रन दयकूगु खः। भारतया वरुण चक्रवर्ती व शिवम दुबें निगु निगु २ विकेट काःगु खः।

नागपुरय् जुगु कासाय् टस बूया न्हापा ब्याटिङ याःगु भारतं ७ विकेटय् २ सय ३८ रन जक दयकूगु खः। भारतया अभिषेक शर्मां दकलय् अप्पो ८४ रन दयकूगु खः।न्युजिल्यान्डया ज्याकब डफी व काइल जेमिसनं निगु निगु २ विकेट काःगु खः।

न्यागु कासा जुइगुलि भारत १–० न न्ह्यने लागु दु। मेगु कासा कन्ह्यः रायपुरय् जुइगु दु।

Categorized in कासा