गुठी संस्थानं निर्वाचन आचारसंहिता अःखः श्री बौद्ध लिसें मेलम्ची घ्याङ गुठीया प्रमुख लामायात पदं चिइकूगु धकाः निर्वाचन आयोगय् उजुरी लाःगु दु।

संस्थानं निर्वाचन आचारसंहिता अःखः ज्या याःगु धकाः उजुरी दर्ता जूगुलिं थनिनिसें थ्व विषय छु जूगु खः धकाः माःगु छानबिन लिसें न्यनेकने प्रक्रिया न्ह्याकेगु आयोगया सहायक प्रवक्ता कुलबहादुर जिसीं धयादिल। आयोगं माघ माघ ४ गते चान्हय् १२ः०० ताः इलय् निसें निर्वाचन आचारसंहिता, २०८२ लागू याःगु खः।

आचारसंहिताया दफा ३या (ज) य् सरकारी, अर्धसरकारी लिसें सार्वजनिक संस्थाया ज्याकुथि व कर्मचारीयात नापं आचारसंहिता लागू जुइगु न्ह्यथनातःगु दु। संस्थानं माघ ९ गते श्री बौद्ध लिसें मेलम्ची घ्याङ गुठीया प्रमुख लामा भूपतिबज्र लामायात पदपाखें चिइकेगु निर्णय याःगु वय्कःया सचिवालयया हरिश गोले तामाङं धयादिल।

संस्थानं निर्वाचन आचारसंहिता लागू जूगु हे दिं माघ ४ गते हे प्रमुख लामा भूपतिबज्र लामालिसे स्पष्टीकरण न्यंगु खः।आचारसंहिता उल्लङ्घन याःगु धकाः आयोगय् लाःगु उजुरीया छानबिन यानाः आः थीथी राजनीतिक दल, उम्मेदवार, सार्वजनिक निकाय व संस्था यानाः आःतक आयोगं १५ गू स्पष्टीकरण न्यनेधुकूगु सहायक प्रवक्ता जिसीं धयादिल।

Categorized in राष्ट्रिय