पेट्रोलियम पदार्थया भाः समायोजन जूगु दु। नेपाल आयल निगमं थौनिसें लागू जुइगु यानाः पेट्रोल, डिजल व मचिकंया भाः समायोजन याःगु खः।

निगमया कथं पेट्रोल लिटरय् छतका, डिजल व मचिकं लिटरय् स्वतका भाः थहांवंगु दु। समायोजन जूगु भाः कथं स्वनिगः, पोखरा व दिपायलय् पेट्रोलया भाः लिटरं १५६ तका थ्यंगु दु।

अथे हे, सुर्खेत व दाङय् धाःसा लिटरया १५५ तका क्वःछ्यूगु द । चारआली, विराटनगर, अमलेखगञ्ज, भलवारी, नेपालगञ्ज, धनगढी व वीरगञ्जय् पेट्रोलया भाः लिटरया १५३.५० तका कायम जूगु दु।

मचिकंया भाः लिटरया १४२ कायम जूगु निगमं धाःगु दु।

Categorized in राष्ट्रिय