गृहमन्त्री ओमप्रकाश अर्यालं ‘रासस मिडिया सङ्ग्रहालय व समाचार बुलेटिन कक्ष’ या अवलोकन यानादीगु दु।

भद्रकालीइ च्वंगु रासस केन्द्रीय कार्यालयया भ्रमणया झ्वलय् थौं वय्कलं सङ्ग्रहालय व समाचार बुलेटिन कक्षया अवलोकन यानादीगु खः।

गृहमन्त्री अर्यालं सङ्ग्रहालयया अवलोकन लिपा आगन्तुक पुस्तिकाय् “थुगु सङ्ग्रहालयय् च्वंगु राससया स्थापनाकालनिसेंया थी थी सामग्री (प्रेस, पत्रपत्रिका, बुलेटिन, टेलिफोन व टाइपराइटर) लिसें सामग्रीया बारेय् दुग्यंक जानकारी कयादीगु”, धकाः न्ह्यथनादीगु दु।

गृहमन्त्री अर्यालयात राससया कार्यकारी अध्यक्ष धर्मेन्द्र झा, महाप्रबन्धक सन्दीप राई व विभागीय प्रमुखपिंसं लसकुस यानादीगु खः। 

Categorized in राष्ट्रिय