प्रतिनिधि सभा निर्वाचनया प्रारम्भिक मत गणनाय् स्वनिगःया १५ गु निर्वाचन क्षेत्र मध्ये १४ गु क्षेत्रय् राष्ट्रिय स्तवन्त्र पार्टी (रास्वपा) आःतक न्ह्यने लानाच्वंगु दु।

येँ १०, यल व ख्वपय् निगु निगु थासय् रास्वपाया उम्मेदवार न्ह्यने लानाच्वंगु दु। येँ १ य् रञ्जु दर्शना येँ २ य् सुनिल केसी, येँ ३ य् राजुनाथ पाण्डे, येँ ४ य् पुकार बम, येँ ५ य् सस्मित पोखरेल, येँ ६ य् शिशिर खनाल, येँ ७ य् गणेश पराजुली, येँ ८ य् विराजभक्त श्रेष्ठ, येँ ९ य् डीपी अर्याल व येँ १० य् प्रदीप विष्ट न्ह्यने लानाच्वंगु दु ।

अथेहे यल २ य् जगदिश खरेल व ३ य् तोसिमा कार्की न्ह्यने लानाच्वंगु दु। यल क्षेत्र नम्बर १ य् धाःसा कांग्रेसया उदय शम्सेर राणा न्ह्यने लानाच्वंगु दु।

ख्वपय नेमकिपाया गढ कथं कयाच्वंगु क्षेत्र नम्बर १ य् रास्वपाया रुकेश रन्जित न्ह्यने लाना च्वंगु दु। नेमकिपाया प्रेम सुवाल उगु थासय् लिउने लानाच्वंगु दु।अथेहे ख्वप क्षेत्र नम्बर २ य् राजिव खत्री न्ह्यने लानाच्वंगु दु सा एमाले उम्मेदवार महेश बस्नेत लिउने लानाच्वंगु दु।

Categorized in राष्ट्रिय