येँ प्रतिनिधिसभा निर्वाचन क्षेत्र नं. ६ य् राष्ट्रिय स्वतन्त्र पार्टी (रास्वपा) या शिशिर खनाल विजयी जुगु दु। येँ– ६ या निर्वाचन अधिकृत चपला पोखरेलं रास्वपाया खनाल २७ हजार ७१९ मत हया विजयी जुगु दु धका जानकारी ब्यूगु दु।

खनालया निकटतम प्रतिद्वन्द्वी नेपाली कांग्रेसया कृष्ण बानियाँ क्षेत्रीं ६ हजार ६४७ मत काःगु खःसा नेकपा (एमाले) या अमनकुमार मास्कें ४ हजार ३७३ मत हःगु खः।

अथेहे राष्ट्रिय प्रजातन्त्र पार्टी (राप्रपा) या उद्धवराज भेटुवालं १ हजार २१८ व नेपाली कम्युनिस्ट पार्टी (नेकपा) या हेम लाल शर्मां १ हजार २६० मत हःगु खः।

Categorized in राष्ट्रिय