पत्रकारलिसें स्वास्थ्यकःमि पूर्णिमा शाक्यया मां शुभद्रा डंगोल आकाझाकां मन्त। ७२ दँ दुम्ह वय्कः स्ववाः निसे बीर अस्पतालय् वासः याकेगु झ्वलय् म्हिगः मदुगु खः।

डंगोल ताः ई न्ह्यःनिसें क्यान्सर ल्वय्लिसे ल्वाना वयाच्वनादीगु खः। लिपांगु इलय् वय्कःया उसाँचय् समस्या वयेवं निवाः न्ह्यः अस्पताल भर्ना याःगु खः।

मदुम्ह डंगोलया म्ह्याय् तःधिम्ह म्ह्याय् पूर्णिमा शाक्य नेवाः पत्रकार दबू यलया छ्याञ्जे खःसा कान्छिम्ह म्ह्याय् पौभा डंगोल राससया नेपालभाषा बुलेटिनय् संवाददाताकथं ज्या यानाच्वंगु दु। मदुम्ह डंगोलया काय् छम्ह व म्ह्याय् प्यम्ह दु।

Categorized in राष्ट्रिय