नेपाल सरकारं राष्ट्रियसभाया खालिगु दुजलय् गृहमन्त्री ओमप्रकाश अर्यालयात सिफारिस याःगु दु।

प्रधानमन्त्री निवास बालुवाटारय् थौं च्वंगु मन्त्रिपरिषद् बैठकं गुल्मीया अर्यालयात राष्ट्रियसभाया खालिगु दुजः पदय् मनोनीत यायेत राष्ट्रपति न्ह्यःने सिफारिस यायेगु निर्णय याःगु खः।

राष्ट्रियसभाय् थौंकन्हय् खालि जुयाच्वंगु छगू विज्ञ दुजलय् वय्कःया नां सिफारिस जूगु खः। स्थायी सदनया रुपं दूगु ५९ दुजःया राष्ट्रिय सभाय् स्वम्हेसित मन्त्रिपरिषदया सिफारिस कथं राष्ट्रपतिपाखें मनोनीत याइगु संवैधानिक प्रावधान दु।

सङ्घीय संसदय् च्वय्या सदन कथं दूगु राष्ट्रियसभा दुजःया कार्यकाल खुदँया जुइगु संवैधानिक व्यवस्था दु। राष्ट्रियसभाया स्वब्वय् छब्व दुजःतय्गु वंगु माघ ११ गते निर्वाचन जूगु खः। 

Categorized in राष्ट्रिय