इरान युद्धया विषययात कया अमेरिकाया राष्ट्रपति डोनाल्ड ट्रम्पया उच्च सहयोगी जो केन्टं थःगु पदपाखे राजीनामा बिउगु दु। ट्रम्प प्रशासनं आतङ्कवादविरोधी केन्द्रया निर्देशक केन्टं इरान युद्धया विषय व प्रक्रियाप्रति असहमति यात कया थःगु पदपाखे राजीनामा ब्यूगु खः।

केन्टं सामाजिक सञ्जालपाखे जारी याःगु विज्ञप्तिइ राष्ट्रपति ट्रम्पयात थःगु अडान हिलेन इनाप यानादिगु खः। इरान अमेरिकाया निति तत्काल खतरा मजुगु धका विज्ञप्तिइ धया तःगु खः। केन्टं ट्रम्प प्रशासनं इजरायल व वयागु शक्तिशाली अमेरिकी लबीया दबाबय् इराननाप युद्ध शुरू यागु दाबी यानादीगु खः।४५ दँया केन्टयात अमेरिकी विशेष बल व सीआईएया अनुभवी मनू कथा कायेगु याइ।

केन्टया जहान शैनन केन्ट न अमेरिकाया नौसेनाय् ‘क्रिप्टोलोजिक टेक्निसियन’या कथं ज्या याये धुकुम्ह खः। सन् २०१९ य् सिरिया नाप जुगु आक्रमणय् मदुगु खः। केन्टया राजीनामा लिपा राष्ट्रपति ट्रम्पं सुरक्षाया मामिलाय् कमजोर जुगु धका द्धपं बिउसे केन्टया पिहावंसा ज्यू धका प्रतिक्रिया ब्यूगु खः।

Categorized in अन्तर्राष्ट्रिय