झिक्वःगु विश्व जुनियर उसु च्याम्पियनसिपय् ब्वति कायेत खुम्ह कासामिलिसें १० म्ह दुजःया नेपाःया टोली शनिबाः चीन वनीगु जूगु दु।

थ्व हे चैत ९ निसें १७ गते तक जुइगु धेंधेंबल्लाय् रश्मी तामाङ, गिरिस पौडेल, ल्हाक्पा डोल्मा लामा, सारा तामाङ, सम्राट थापा व छिरिङ शेर्पां नेपाःया हाथ्या प्रस्तुत याइ। धेंधेंबल्ला सेनेगलय् जुइगु डकार युथ ओलम्पिकया छनोट कथं नं कयातःगु खः। प्रशिक्षकय् लानम लामा व जङ्गबहादुर तामाङ लिसें निर्णायकय् मञ्जुर महर्जन व गोविन्दबहादुर शाही दु।

टोलीयात सफलताया भिंतुना बिसें राष्ट्रिय खेलकुद परिषद् (राखेप)या सदस्य सचिव रामचरित्र मेहता व राखेप कार्यकारी समितिया दुजः कमलबहादुर भट्टराईं ग्वसाःग्वःगु छगू ज्याझ्वः दथुइ बिदाइ बियादिल।

Categorized in कासा