नेपाल बार एसोसिएसनं वंगु भदौ २३ व २४ या घटनासम्बन्धी जाँचबुझ आयोग, २०८२ या प्रतिवेदनप्रति असहमति प्वंकूगु दु। बारं थःगु क्षेत्राधिकार पिने वनाः आपत्तिजनक कथं न्यायालयया विषय प्रतिवेदनय् न्ह्यथंगु धासें थौं न्हिनसिया १ः३० ताः इलय् सल्लाहकार समिति बैठक नापं सःतूगु दु।

बारया महासचिव केदारप्रसाद कोईरालां राससलिसे खँल्हासें धयादिल, “न्यायालय व कानुन व्यवसायप्रति समाजय् नकारात्मक लिच्वः लाकीगु यानाः प्रतिवेदन वःगु दु, थुकी जिमिगु असहमति दु । थुकिया बारे कानुन व्यवसायी दथुइ गम्भीर सहलह जुइत्यंगु दु।”न्याय सुलभ यायेत वकिलया ‘फि’लिसें विकृति व विसङ्गति चुइकेगु लिसें न्याययात वकिलया स्वर्ग जुइकेगुपाखें बचे यायेमाःगु लिसेंया विषय प्रतिवेदनय् न्ह्यथनातःगु दु।

“सर्वसाधारणया न्यायय् पहुँच मदूगु, नेपाली नागरिकं सुलभ तरिकां न्याय काये फइगु स्थिति मदु धाइ। पहुँच व ध्यबा मदुपिनि निंतिं न्याय तापागु विषय जूगु दु। पक्षया पाखें वहस यायेमाम्ह वकिलला थुलि थिकेकी साधारण निवेदन च्वयाब्यूगु जकया नापं द्वलंद्वः कायेगु याइ” प्रतिवदेनय् न्ह्यथनातःगु दु।

Categorized in राष्ट्रिय