नेपाली कांग्रेसं सरकार संयमित मजूसा देय् हाकनं द्वन्द्व व अस्थिरतापाखे वनेफु धका च्यूता तःगु दु।

पूर्व प्रधानमन्त्री केपी शर्मा ओली व पूर्व गृहमन्त्री रमेश लेखकयात ज्वंगुलि शनिवाः कांग्रेस प्रवक्ता देवराज चालिसें न्यागु बुँदे धारणा सार्वजनिक यासे सरकार उत्तेजनाय् वये मज्यु धका धाःगु दु।

‘भदौ २३ व २४ या घटनाया सम्बन्धय् सम्बन्धित मनू व संस्था याःगु निष्पक्ष, पारदर्शी व विधिसम्मत ढंगं अनुसन्धान, अभियोजन लगायत दक्को कानुनी प्रक्रियाय् न्ह्या वनेमाःगुलि नेपाली कांग्रेस स्पष्ट दु,’ वक्तव्यय् धाःगु दु, ‘जिपि प्रष्ट जुइ चाहे जू– भदौ २३ गतेया घटनाय् दुथ्यापि नापं २४ गतेय् मिँ च्याका व विध्वंशय् दुथ्यापि सु खः धइगु सिकेमाः।’

निन्हु हे घटनाय् दुथ्यापि न्ह्याम्हेस्यां कारबाही जुइमाः व उकिइ पार्टीया ग्वहालि दइगु कांग्रेसया धारणा खः । ‘तर उगु कारबाही उत्तेजना व आवेगय् वया मखु, कानूनी प्रक्रिया बमोजिम जुइमाः,’ वक्तव्यय् धयातःगु दु।

Categorized in राजनीति