नेवाः देय् दबूया न्हुगु नेतृत्वया निति थौ चैत २२ गते निर्वाचन जुइत्यःगु दु। मनोनयन दर्ता यायेगु निति म्हिगः चैत २१ गते नेवाः देय् दबूया ज्याकूथि मनोनयन दर्ता यायेगु ज्या जुगु खः।

खुल्ला सचिव पदय् नारायण प्रसाद श्रेष्ठ व श्रीजन श्रेष्ठ न थौ निर्विरोध निवर्चाति जुगु दु। अथेहे मिसा दुजः कोशी प्रदेशं भिमकला श्रेष्ठ, खुल्ला दुजः रामभक्त श्रेष्ठ, बागमती प्रदेशपाखे मिसा दुजः पार्वती श्रेष्ठ, लुम्बिनी प्रदेशपाखे मिसा दुजः अरुणा श्रेष्ठ, कर्णाली प्रदेशपाखे खुल्ला दुजः सुन्दरमान श्रेष्ठ, सुदुरपश्चिमपाखे मिसा दुजः सुमित्रा श्रेष्ठ व स्वनिगः बिशेष प्रदेशपाखे खुल्ला दुजः रमेश जोशी न निर्विरोध निर्वाचित जुगु दु।

अथेहे म्हिगः हे अध्यक्षय् रश्मिला प्रजापति व महासचिवय् श्रीकृष्ण महर्जन निर्बिरोध निर्वाचित जुगु खः सा सचिव जातिय परिषदय् मचाराजा महर्जन न निर्बिरोध निर्वाचित जुगु खः। मिसा केन्द्रिय दुजलय् निर्मला श्रेष्ठ, तारा श्रेष्ठ, योगिता श्रेष्ठ, ललिता प्रधान, बिमला श्रेष्ठ, रमना श्रेष्ठ, अर्चना तण्डुकार व शोभा बज्राचार्य न निर्बिरोध निर्वाचित म्हिगः हे जुइ धुकुगु खः।

आः छु ई लिपा बरिष्ठ उपाध्यक्ष, कोषाध्यक्ष, उपमहासचिव व मिसा सचिव नाप मेमेगु पदय् चुनाव राष्ट्रिय सभागृहय् जुइत्यःगु दु।

Categorized in राष्ट्रिय