नेपाल मजदुर किसान पार्टीया नायः लिसें वरिष्ठ राजनीतिज्ञ नारायणमान बिजुक्छेँ ‘रोहितं’ च्वयादीगु सच्छि दँ लिपाया ख्वप सफूया स्वक्वःगु संस्करण म्हिगः सार्वजनिक याःगु दु।

ख्वप नगरपालिकां म्हिगः ग्वसाः ग्वःगु सच्छि दँ लिपाया ख्वप सफूया स्वंक्वःगु संस्करण सार्वजनिक ज्याझ्वलय् नायः बिजुक्छेँ लिसें थीथी व्यक्तित्वपिंसं मंकाः कथं सार्वजनिक यानादीगु खः।

ज्याझ्वलय् विजुक्छेँ सच्छि दँ लिपाया ख्वपया परिकल्पनायात पूवंकेत सफू ज्यालगे जुइगु धयादिसें न्हापांगु व निक्वःगु संस्करण पिथने धुंकाः ब्वनामिपिंसं ययेकूगु व माग कथं स्वक्वःगु संस्करण हयागु धयादिल।

मुक्कं २४४ पृष्ठया उगु सफुतिइ च्वमि बिजुक्छेँं च्वयादीगु च्वसूत मुनातःगु दु । नेपाःया कला व तजिलजिया अध्ययनया निंतिं माःगु पृष्ठभूमि सफुतिइ दुथ्याना च्वंगु दु।

Categorized in राष्ट्रिय