चलचित्र पत्रकार संघ नेपालया २७ क्वःगु साधारण सभा नाप १० गु महाधिवेशनं संघया अध्यक्षय् समिर बलामीयात ल्यःगु दु।

वयक थ्व पदय् पुनः निर्वाचित जूगु खः। शनिवार जूगु मतदानय् कुल १४० म्ह दुजःतसें मतदान याःगु खः। उकिइ मध्ये अध्यक्ष पदय् निर्वाचित समिर बलामीयात ९५ मत वःगु खःसा निकततम प्रतिस्पर्धि जीवन पराजुलीयात ४२ मत वःगु खः। संघया उपाध्यक्ष (संगठन) पदय् रघुनाथ सापकोटा निर्वाचित ७३ मत हया विजयी जूगु खःसा प्रतिस्पर्धि नवीन गिरीयात ६२ मत वःगु खः।

उपाध्यक्ष पदय् कुमार आचार्य निर्विरोध निर्वाचित जूगु खःसा उपाध्यक्ष (महिला) पदय् दीपज्योती थापा ७५ मत हया निर्वाचित जूगु खःसा निकटतम प्रतिस्पर्धी सुष्मा कार्कीयात ६२ मत वःगु खः।अथेहे धेंधें बल्ला जूगु महासचिव पदय् गोपीकृष्ण चापागाईं ५४ मत हया विजयी जुगु खःसा निकटतम प्रतिस्पर्धि मनिष कार्की ४४ मत हःगु खः। थ्व पदय् प्यम्ह उम्मेदवारमध्ये सीपी जैसी १९ व पवन भट्टराई १८ मत कायेत ताःलागु खः।

संघया सचिवय् मदन रिजाल ९४ मत हया विजयी जुलसा निकटतम प्रतिस्पर्धि सुरेन्द्र थापा मगर ४५ मत हःगु खः। सचिव (समावेशी) पदय् महम्मद जलिम निर्विरोध निर्वाचित जूगु खः।कोषाध्यक्षय् मनिष अञ्जान दाहाल ७४ मत हया बिजयी जुगु खःसा निकटतम प्रतिस्पर्धी निशा बजगाईँ ६५ मत हःगु खः। सह कोषाध्यक्ष पदय् अर्जुन गुरागाईं ६२ मत हया विजयी जुगु खःसा प्रतिस्पर्धि भोला सुवेदी प्रनप ४२ मत हःगु खः।

सदस्य पदया सकलें उम्मेदवार सुशिल नेपाल, सालिकराम न्यौपाने, नवीन चापागाईं, दीपराज क्षेत्री, दिनेश थापा, सोजना बिक लोहार, युबर्ण पौडेल (पूजा) नाप रतनबहादुर चन्द निर्विरोध निर्वाचित जूगु खः। ल्यःज्याःसिबें न्ह्यः जूगु उदघाटन सत्रय् नेपाल पत्रकार महासंघया अध्यक्ष मूपाहाँ कथं झायादीगु खः।

Categorized in मनोरन्जन